សត្វព្រាប១ក្បាលត្រូវបានបាញ់សម្លាប់កាលពីប៉ុន្មានថ្ងៃកន្លងទៅនេះ បន្ទាប់វាត្រូវបានប៉ូលីសរកឃើញបាននាំគ្រឿងញៀនចូលទៅក្នុងពន្ធនាគារមួយក្នុងខេត្ត Pampa ចំកណ្តាលនៃប្រទេសអាហ្សង់ទីន ។
BBC រាយការណ៍ថា បក្សី «ពុំដឹងខ្យល់» នេះ ត្រូវបានឃើញហើរចូលបរិវេណពន្ធនាគារក្នុងទីក្រុង Santa Rosa ប្រទេសអាហ្សង់ទីន ។
ពួកមន្រ្តីពន្ធនាគារបានកើតការសង្ស័យ បន្ទាប់ពីឃើញបក្សីនេះហើរចូលមកក្នុងពន្ធនាគារឆ្វែលចុះឆ្វែលឡើង ។ ឆ្លងកាត់ការស៊ើបអង្កេតមួយសន្ទុះធំមក ពួកគេបន្ទាប់មក ក៏បានធ្វើការបាញ់ទម្លាក់វាតែម្តង ។
យោងតាមកាសែត Clarín មន្រ្តីប៉ូលីសបានរកឃើញកញ្ចប់តូចមួយនៅលើខ្នងរបស់វាផ្ទុកដោយថ្នាំញៀន sedative, កញ្ឆា និង USB មួយ ។
គួរបញ្ជាក់ថា នៅក្នុងឆ្នាំ២០១៣ សេវាកម្មគុកអាហ្សង់ទីនបានធ្វើការព្រមានថា ពួកជួញដូរគ្រឿងញៀន បានកំពុងប្រើប្រាស់ព្រាមដឹកជញ្ជូនពិសេសៗ ដើម្បីនាំយកគ្រឿងញៀន និងសារធាតុក្លែងបន្លំដទៃទៀត ចូលមកក្នុងពន្ធនាគារ ។
ព្រាមពិសេសទាំងនោះ ពួកមន្រ្តីបានអះអាងថា បានកំពុងធ្វើការហោះហើរចន្លោះពី ១០ ទៅ ១៥ លើក ក្នុង១ថ្ងៃ ៕
